كلنا لاخو نوره

[مجاهد العطوي]

السلام عليكم ورحمة الله وبركاته

اقدم لكم هذه الابيات المتواضعه والقليلة في حق الوطن الغالي علينا جميعا

http://www.baniattiyeh.com/upload//uploads/images/domain-cea5b728aa.jpg


كلنـا لأخـو نـورة حـرس حـد وجنـود = وحـدودنـا بـالـدم تسـقـى وتنـصـان
يعقب ويخسى كل خاسي ومقرود = دون الحدود يموت خاسي ومنهـان
إلى وقفنا نحمى البيـض والسـود = المـوت دون الـدار وحـدود الاوطــان
نـقــول للـزيـدي يــدور لــه زيــود = ونخلي الشيعي يعـود علـى ايـران
حنا جنود الدين والسيف مجرود = نتبع لواء الرحمن والنصر عنوان
عدونا ما ارتاح في لذة رقود = شاف النشامى مقبله بكل ميدان
جيش السعود اللي بذل كل مجهود = وكل الحروب الماضية خير برهان
في حكم أبو متعب ذرى كل مضهود = عز الله انه بالمواقف بليهان
لأجل الوطن ما ننثني دوم في زود = ندعس على خشم المنافق وينهان
دارٍ ورثناها من أباء وجدود = منهو بغاها بشر يبشر بالاكفان
وأعطوا لأخو نورة مواثيق وعهود = وعهودهم تبقى على مر الأزمان
نمشي بها والعمر للعبد محدود = واللي ورانا مكمله دون نقصان
ونجدد البيعه بالايام وعقود = لخادم بيوت الله ونايف وسلطان
عودة ولي العهد بالخير معهود = غنا لها طير الفرح زين الألحان
وتبوك لبست تاجها وذعذع النود = ورد الشمال ويبتسم كل بستان
وجو التهاني بالفرح صار موعود = لفهد الفهود اللي له الكل مندان
فيه التواضع والبذل دوم والجود = هداج تيما مرويا كل عطشان
يا سيدي سلطان لو غبت موجود = بقلوبنا مسكنك يا طير حوران

وسلامتكم ،،،،

مجاهد محمد العطوي

[~ سهام ~]

اللللللللللللللله صح لسانك أبيات في منتهى الجمال والوطنيه
كلنا لاخو أبو نوره galb

مجاهد العطوي مبدع ros

[سالم العمري]

أهلاً بك أخي مجاهد العطوي ..

وصح لسانك اخي الكريم على هذه الكلمات الوطنيه الرائعه ..

دمت بود

[احمد الزهرانى]

يعطيك العافيه

[مهدي الرشيدي]

صح لسانك واعتلى شانك ياوافي وبيض الله وجهك


تقبل تقديري واحترامي

[الصقر]

صح لسانك واعتلى شانك

ونعم فيك وفي لابتكـ
بيض الله وجهـك

[احمدالزهرانى ز]

صح لسان الشاعر والله ينصر جنودنا
مشكور

[فهد الخريص]

صح لسانك قصيده رااااااااااااائعه ووطن الشموخ
ورجال الشموخ يستحقون جميع القصائد

[نَبْضُ وَطَنّ]

ما أجمل الشِعر الذي يأتي في حظرة الوَطنّ ..
وما أجمل الشَعر حِينَ يَحضر لأجل الوَطن ..

مجاهد العطوي ..

أهلاً بك وبالشعر الجميل الذي بمعيتك ..
دمت بهذا وأكمل .. واجمل ..

[أكرم التلاوي]

ماجد العطوي

نص جميل يبث الحماسه في قلوبنا
صح قلبك ولا هنت وبلا شك أن الوطن يستحق وأكثر

لك ودي

[روح الفهد]

اخي مجاهد محمد العطوي
كلمات رائعه نابعه من قلب صادق لحب الوطن دمت بكل حب واحترام
تحياتي
رووح الفهد