يابلادنـا حنـا جنـودك مـن جنـوب ومـن شـمـال لـ الشاعر خليف الرشيدي

[الرشيدي حائل]

يـ /بلادنا احنا جنـودك مـن جنـوب ومـن شـمـال = تفدا حدودالمملكـه شـرق(ن) غــرب اكبـادنـا
هــاذي بلـدنـا الغالـيـه دار الشـريـعـه والـعــدال= الـلــي فـداهــا اروحــنــا وامـوالـنــا و اولادنــــا
اللـي غـلاهـا اغــلا مــن الام الحنـونـه للعـيـال = ويجري غلاها في عـروق الـدم باقصـى فوادنـا
نـارد علـى حـوض المنايـا دونهـا وعـنـف قـتـال = ونـمـوت تبـقـى المملـكـه بـامـن وعــز بـلادنــا
اطهـر بلـد واشـرف بلـد بـالارض مافيهـا جــدال = والله وهـبـنـاهـا وفــــي حـكـامـهـا الله زادنــــا
ابناء زعيمن حطنا حراس بيت الله في جيش ورجال= ولـعــز ديـــن الله ولحـمـاتـه ونــشــره قــادنــا
تحـت امـر حـكـام البـلـد رمزالعـروبـه والنـضـال = نـاقـف بـوجـه الـشـر دون حـــدود دار اجـدادنــا
تبـت يديـن اهـل ضـلال ومـن تبعـهـم بالـضـلال= وتـقـصـر يـديـهـم دون قـادتـنـا ودون امـجـادنــا
ناقف بوجه اهل الحسد والحقـد شينيـن القبـال = علـى الشريـعـه والعـدالـه لــو يـطـول اجهـادنـا
وليا حدوا في يوم حرب ولولشو فـي كـل جـال = حـنــا نـهــار الــحــرب دون دار يــــوم اعـيـادنــا
ناطـا عليهـم مثـل ماتاطـا علـى الارض الجمـال = لاشــب نــار الـحـرب دون الـعـدل قــدح زنـادنـا
نـدكـهـم مايفـكـهـم مـنــا التـحـصـن بـالـجـبـال = ولـيـا فنيـنـا احفـادهـم تلـعـن ثـواهــا احـفـادنـا
لـو مانـخـاف الله وبــس الـهـم غــزون وحـتـلال= يومـيـن مايـقـفـون قـــدم جيـوشـنـا وافـرادنــا
حنـا نعلـم مـن يضيـع ونــدب الـلـي بــه هـبـال =وليـا هجـدنـا مانـسـي طــول العـمـر مهجـادنـا

القصيده بالصوت
تحميل الملف من هنا (http://up4.m5zn.com/download-2009-11-18-12-xcoxbptvm.amr)

[نَبْضُ وَطَنّ]

لو مانخاف الله وبـس الهـم غـزون وحتـلال
يوميـن مايقفـون قـدم جيوشنـا وافـرادنـا
حنا نعلم من يضيـع ونـدب اللـي بـه هبـال
وليا هجدنـا مانسـي طـول العمـر مهجادنـا


أهْلاً وَسْهلاً بك .. الرشيدي ..
حَيّاك الله .. وسُعداء بـِ إنضمامِكَ إلينا ..
صحْ لـ سانك ..

[أكرم التلاوي]

الرشيدي حائل


قصيدة غارقة بالحب للوطن
صح لسان الشاعر خليف الرشيدي وألف شكر لك على النقل

لك الود

[ليلى الشهراني]

ياهلا والله بأهل حايل
صح لسان قائلها وسلمت يمين الناقل
قصيدة جميله
يعطيك العافية ولاهنت
دمت بكل الخير

[سالم العمري]

القدير الرشيدي حائل ..

ياهلا بك وبما امطرتنا به من كلمات الشاعر خليف الرشيدي الوطنية ..

لاعدمنا ابداعك

[الرشيدي حائل]

يعطيكم العافية على التواجد
تقبلوا تحيتي لكم